البارحه والعين ماذاقت النوم ونوم العيون اقفا وقفا مجاله وامسيت مثل اللي مدى العمر محكوم وحكمه بازنزانه وحيدن الحاله وليا مشيت امشي مع الدرب منجوم مثل الهبيل اللي مؤكد هباله بان الفجر من ضيق بالي وانا احوم … أكمل قراءة التدوينة ←

    برى الجرح والا مابرى مقتفيـه جـروح مقادير مير الله يساعد على اللـي  جـاي ياوجداه وين اللي يخفف على  المجـروح يعـذل علـي ولا يحـاول يـرد  بكـاي منول ما اعد ولا اعتبر غير روحـي روح أناني ولا آخذ راي والا أعطي أحـدٍ  راي أذار الهبايب وان لمحت البـروق  تلـوح تبعـت الحيـا لوديرتـه ذيبهـا عـواي جوازي بجيبي للسفـر والفضـا مفتـوح مغامر ولا أنشد وش بقي معي في مخباي أهجرس واجر الصوت وادعي حمام الدوح واعلق على صدر الورق من يجيب  دعاي أشوف الحمام ينوح ما اقول ليـه ينـوح واشوف الجريح يصيح ما امد له يمنـاي على رغبتي من دون تخطيط أجي  واروح لحالي على فالي واغنـي علـى  ليـلاي لكني ما اساوي نادر العـش  بالسلتـوح ومن مدلي يمناه مـا امـد لـه يسـراي هذا قبل والا اليوم يا صعب بعض البـوح بدا هم قلبي وانتهـت مرحلـة  سلـواي تمكن وشيد بين حدب الضلـوع صـروح على من خلقني من عدم منتهى  شكـواي رزاني زماني في قريـب وفـي ممـدوح وتناسيت نفسي من مصابي ومن بلـواي فقدت القليل وقلت ما صابنـي  سامـوح وفقدت الكثير وحسبي الله علـى  دنيـاي واعزاه كم صليت مـره علـى طحطـوح حداهم ليامنـه طرالـي يجيـب اقصـاي يضيق الوطا ويضيق كون الله المفسـوح ولولا الصبر لتفيض روحي على مركـاي تجرعت كاس الصبر لوهو كما الذرنـوح وتحملت حملٍ دق حيلي وهـد  اعضـاي بنادم ولالي درب عن ما كتـب  فاللـوح بغض النظر عن عبرتي وزعلي ورضـاي ياعالم لوإن المنحة اللي مـع  الممنـوح أخذها الكريم اللي عطاها قبـل  ممسـاي يامنجي من الطوفان والما سفينـة نـوح نجاتـك نجاتـك يامـلاذي ويـارجـواي … أكمل قراءة التدوينة ←